Le Parlamento Europee (a vices Parlamento del UE; popularmente note come Europarlamento; nomine official in latino: Parlamentum Europæum), es le expression democratic de 450 milliones de cives europee, instituite in 1987, e eligite pro un periodo de 5 annos per suffragio universal directe. In le Parlamento Europee es representate, a nivello de formationes politic paneuropee, le grande tendentias politic que existe in le statos-membros. Illo ha 732 (ante le 1 de maio 2004: 626) europarlamentares eligite per le populo, de quem 525 viros e 204 feminas. Desde 1979 un election commun es tenite in tote le Union Europee, e le 13 de junio 2004 esseva un data historic quando 400 milliones de cives unitari votava al mesme tempore.
Malgrado que Brussel es considerate como le capital del UE, ubi etiam le Commission Europee e le Consilio de Ministros es situate, il esseva decidite in le Tractato de Amsterdam que le parlamento debe cata mense haber sessiones in Strasburgo. Solmente quatro dies es besoniate e le carga le plus importante es le votationes final. Ma le costos pro isto es enorme, e mesmo le parlamento ipse desira finir le sessiones in Strasburgo. Le governamentos del statos-membros ha le poter de decider; ma on non ha ancora potite attinger alcun decision, primarimente a causa del rivalitate inter Francia e Belgica.
Le distantia inter Brussel e Strasburgo es circa 400 km e 30 personas es besoniate pro cargar 10 grande camiones con le equipamento necessari. Circa 5000 personas tamben debe mover se inter le urbes e le costos es estimate a 200 milliones euros per anno. In plus, le parlamento ha plure functiones, primarimente administrative, localisate in Luxemburg.
Le Parlamento ha tres functiones essential:
Gruppo politic | Abbreviation | Numero de membros |
---|---|---|
Partito Popular Europee (Democrates Christian) e Democrates Europee | EPP-ED | 263 |
Partito Social-democratic Europee | PSE | 201 |
Alliantia Liberales e Democrates pro Europa | ALDE | 89 |
Le Verdes/Alliantia Libere Europee | Le Verts/EFA | 42 |
Le Sinistra Unite Europee/Sinistra Nordic Verde | GUE/NGL | 41 |
Independentia/Democratia | IND/DEM | 29 |
Le Union pro Europa del Nationes | UEN | 30 |
Non-inscriptos | NI | 37 |
Total | 732 |
Vide: .
Germania 99 | Polonia 54 | Hungaria 24 | Finlandia 14 | Slovenia 7 | |
Francia 78 | Romania 35 | Nederlandia 27 | Portugal 24 | Slovachia 14 | Cypro 6 |
Italia 78 | Belgica 24 | Svedia 19 | Irlanda 13 | Estonia 6 | |
Regno Unite 78 | Tchechia 24 | Austria 18 | Lituania 13 | Luxemburg 6 | |
Espania 54 | Grecia 24 | Bulgaria 18 | Danmark 14 | Latvia 9 | Malta 5 |
Total: 785 |
Observatores:
Croatia 10 |